德國餐廳 (翠怡花園) (Moved) New Location

叫咗一個套餐四百幾蚊，夠兩個人食。但我哋食之前唔記得咗影appetiser 相，所以得兩張。先講個豬手，好食過其他德國菜餐廳。餐廳好細心咁將豬手切好，唔使好似帝樂餐廳咁要自己切，豬手隔離個薯蓉都好好味。另一個就係德國腸拼盤，每一條腸都好好食，佢仲將德國酸菜做伴碟。而依個套餐嘅appetiser 係墨西哥nachos, 有兩個醬，第一個係牛油果醬，另外一個係salsa 醬，兩個醬都好好味，唔會好濃。我哋冇叫嘢飲，因為食完都真係已經太飽，唔想再食。依間餐廳算闊落 人又唔算多，所以靜靜地兩個人傾吓計好啱。如果下次經過大埔都會再食多次