Al Molo Ristorante Italiano (Closed)

平日放假約咗好姊妹食晏，想揾個可以坐得耐又舒適嘅餐廳就嚟咗海運大廈嘅Al Molo 食意大利半自助午餐。今日天氣非常好，坐近窗邊雖然有點曬😎，但感覺十分開揚。 餐廳頗大，自助餐枱在室內。半自助午餐可選只吃buffet枱的食品或自由選擇加點主菜(包餐飲)。我們三人本想加點一個pizza但實在吃不下😅餐湯 - 今日係番茄🍅湯，不錯。麵包 - 放於暖櫃，不熱但味道幾好😋沙律 - 有菠菜、火箭菜、粟米、磨菇等及三款醬汁還有巴馬火腿和cold cut. 已調好嘅沙律亦有好幾款但refill很慢，不時只剩下吉碟。水果及甜品 - 西瓜及哈蜜瓜都很甜。而甜品款式經常轉換，大部份出完一次就轉其他款式，但留意有些甜品過甜。以$158一位這個價錢算不錯，但最美中不足是所有侍應都是木無表情及不太願意清理枱上碗碟及加水，這點希望餐廳注意一下。