Video
Read full review
2005-10-26
12 views
難得一日可以六點半收工，本來打算去金鐘買屍新娘戲票，之後就去做gym。適逢矇眼龍o係金鐘shopping，就約左一齊飲杯野先。點知佢試衫試到髮夾都爛埋，o係PP同金鐘廊又買唔倒o岩用o既，就同佢打的往IFC間A仔買啦！點知A仔竟然八點已經關門大吉，無計可施之下，都唯有披頭散髮咁去飲野啦！矇眼龍o既飲野，梗係唔係一杯茶咁簡單啦！不過佢之後仲要食晚飯，我又要做運動，所以去左最就近o既戲院coffee shop飲同食少少野。矇眼龍就叫左個野菌鮮帶子忌廉湯，我就要左個煙三文魚牛油果雜菜沙律，另加一杯蜜糖蘋果茶。兩個人行左一輪，結果係佢買左兩張花紙、一本薄同一隻俾狗仔玩o既毛巾骨頭玩具；我就買左三支筆‧‧‧侍應生先送上一籃麵包，都有四款野，不過除左黑芝麻薄脆同芝士條尚算鬆脆外，另外兩款麵包都係事先切定，切面已經變得「乾爭爭」，好唔掂！個湯先上檯，有左上次飲蠔湯o既經驗，矇眼龍當然唔再故作大方咁請我食帶子啦！結果如我地所料，成碗湯真係得一粒帶子，個湯都幾稀，野菌份量唔多，更唔好講話有帶子味啦！我個沙律賣相都OK，油醋汁係另上o既，不過牛油果好生，硬到食唔倒牛油果應有o既香味！煙三文魚當然唔係靚野，
矇眼龍o既飲野，梗係唔係一杯茶咁簡單啦！不過佢之後仲要食晚飯，我又要做運動，所以去左最就近o既戲院coffee shop飲同食少少野。矇眼龍就叫左個野菌鮮帶子忌廉湯，我就要左個煙三文魚牛油果雜菜沙律，另加一杯蜜糖蘋果茶。兩個人行左一輪，結果係佢買左兩張花紙、一本薄同一隻俾狗仔玩o既毛巾骨頭玩具；我就買左三支筆‧‧‧
侍應生先送上一籃麵包，都有四款野，不過除左黑芝麻薄脆同芝士條尚算鬆脆外，另外兩款麵包都係事先切定，切面已經變得「乾爭爭」，好唔掂！個湯先上檯，有左上次飲蠔湯o既經驗，矇眼龍當然唔再故作大方咁請我食帶子啦！結果如我地所料，成碗湯真係得一粒帶子，個湯都幾稀，野菌份量唔多，更唔好講話有帶子味啦！我個沙律賣相都OK，油醋汁係另上o既，不過牛油果好生，硬到食唔倒牛油果應有o既香味！煙三文魚當然唔係靚野，但以價錢計﹝$75﹞都算交倒功課。至於D生菜，雖然尚算新鮮，但撕得好碎，加埋得個酸字o既汁，已經到左難食o既邊緣。反而杯蘋果茶幾香，雖然係假味果茶，但都Ok啦！
整體而言，呢度o既正餐食物水準係完全唔及格，以價錢計絕對物非所值。地方就幾好坐o既，等睇影時諗黎飲杯茶、食件三文治或蛋糕應該都OK卦？
下列o既每人消費係我地兩個人o既總和，即湯加沙律加茶。
Post