Video
Read full review
2024-06-08
48 views
諗住隨意落去紅橋附近先搵野食，經過門口有個好親切嘅女店員問我哋食咗嘢未啊？入去試吓佢哋嘅嘢食丫～就咁就入咗去食我哋嘅早餐（當時已經係午市時間） 我地一個叫咗個常餐豬扒煎雙蛋公仔麵，一個就叫咗是日精選午餐星洲炒米，好食！👍🏻佢啲豬扒啲肉質幾好，唔會好似出面有啲茶餐廳咁用嗰啲急凍咗好耐嘅萬年肉，同埋個公仔麵煮到軟硬程度啱啱好👍🏻星洲炒米一嚟到掛住食就唔記得咗影相，佢落得都幾多叉燒條去炒，然後個調味同出面一般餐廳嘅味道有啲唔同，略嫌辣味爭啲，不過都幾好食～老闆娘好親切，見到我望住人哋隻雞髀雙眼發光咁就叫我下次嚟試吓，話佢哋啲雞髀係生炸，好好食😋
就咁就入咗去食我哋嘅早餐（當時已經係午市時間） 我地一個叫咗個常餐豬扒煎雙蛋公仔麵，一個就叫咗是日精選午餐星洲炒米，好食！👍🏻
佢啲豬扒啲肉質幾好，唔會好似出面有啲茶餐廳咁用嗰啲急凍咗好耐嘅萬年肉，同埋個公仔麵煮到軟硬程度啱啱好👍🏻
星洲炒米一嚟到掛住食就唔記得咗影相，佢落得都幾多叉燒條去炒，然後個調味同出面一般餐廳嘅味道有啲唔同，略嫌辣味爭啲，不過都幾好食～
老闆娘好親切，見到我望住人哋隻雞髀雙眼發光咁就叫我下次嚟試吓，話佢哋啲雞髀係生炸，好好食😋
豬扒煎蛋公仔麵餐
12 views
0 likes
0 comments
Post
