天ぷらまきの

Open Now

Now Closed

話說早兩日入咗沙田買傢俬， 行到攰，途經新城市，想落腳嘢食。當時都已經接近收舖時間，四周圍都唔使等位。朋友鍾意食日本菜，結果決定衝入去食天婦羅。打開個Menu，基本上都係冇睇價錢地order 😳海膽呀牛呀帶子呀嗰啲，我哋都叫晒，仲有天婦羅蛋，蔬菜，帶子，總之真係合埋對眼篤，因為真係太肚餓！唔知係因為接近收鋪定點，基本上全部都淋嗒嗒少少凍🫣和牛過熟，海膽腥腥地。而且大部份炸物入口好油，皮好淋，好唔enjoy🫠炸明太子勁咸，然後個帶子一有開勁多水，皮肉分離。精準啲咁講，有啲似去街記買煎釀三寶，不過係收檔前嗰批，就係呢個感覺！當日我哋仲要係肚餓嘅，都覺得唔好味，就知好大鑊。臨尾唯有叫返兩個烏冬食飽個肚就算😵‍💫總之都唔知係自己唔好彩，定還是不嬲個質素都係咁。🫥睇睇件牛真係全熟㗎，好難咬，仲要唔熱，少少暖都冇😟埋單都唔平，唉，所以一定冇下次。😫評分✴️(五分滿分）環境:✴️✴️✴️食物:✴️✴️性價比:✴️回頭率:✴️