Video
Read full review
2019-12-21
214 views
之前朋友推介話圓方有一間餐廳個景觀幾靚，而且啲嘢幾好食，咁我就同男朋友嚟試一試。夜晚環境好靚，好有氣氛，而家呢個天氣，就算坐喺露天地方都有暖氣，裏面嘅一樓更加係落地玻璃睇到出面景觀。餐牌嘅選擇都好多，而且有啲套餐選擇就適合懶人使用。我哋唔想諗就揀咗一個4 Course dinner$498，包一款前菜，一個湯，一個主菜同埋一款甜品。蘿蔔蘋果濃湯味道比較鬼佬口味，因為佢係配搭左少少酸味，我就覺得未算太啱我口味，可能我太local都係鍾意啲甜味重啲嘅湯。慢煮西班牙八爪魚都好得意，個質感同平時食嗰啲唔同，好似比較林小小，佢側邊仲有啲生果，火箭菜同埋紅菜頭蓉，個配搭幾新奇但係都幾好食。紅酒慢煮牛肉及朱古力醬慢煮牛肉份量好多，質感比較林，而且非常入味，紅酒同朱古力個配搭有趣但都很美味，旁邊就有啲薯蓉，蘿蔔及烤南瓜，整體味道都幾match。椰香布朗尼配岩鹽焦糖醬及Movenpick雲呢拿雪糕都好正，幾款味道嘅配搭係非常之好，我都建議如果套餐揀甜品或者單點甜品都可以試吓呢個！我哋仲加咗兩款其他配菜，包括巴馬臣芝士薯條$68忌廉菠菜$68 芝士薯條好香呀，口感仲好香脆！另外忌廉菠菜分量十足，上面仲有啲
夜晚環境好靚，好有氣氛，而家呢個天氣，就算坐喺露天地方都有暖氣，裏面嘅一樓更加係落地玻璃睇到出面景觀。
餐牌嘅選擇都好多，而且有啲套餐選擇就適合懶人使用。
我哋唔想諗就揀咗一個4 Course dinner$498，包一款前菜，一個湯，一個主菜同埋一款甜品。
蘿蔔蘋果濃湯味道比較鬼佬口味，因為佢係配搭左少少酸味，我就覺得未算太啱我口味，可能我太local都係鍾意啲甜味重啲嘅湯。
慢煮西班牙八爪魚都好得意，個質感同平時食嗰啲唔同，好似比較林小小，佢側邊仲有啲生果，火箭菜同埋紅菜頭蓉，個配搭幾新奇但係都幾好食。
紅酒慢煮牛肉及朱古力醬慢煮牛肉份量好多，質感比較林，而且非常入味，紅酒同朱古力個配搭有趣但都很美味，旁邊就有啲薯蓉，蘿蔔及烤南瓜，整體味道都幾match。
椰香布朗尼配岩鹽焦糖醬及Movenpick雲呢拿雪糕都好正，幾款味道嘅配搭係非常之好，我都建議如果套餐揀甜品或者單點甜品都可以試吓呢個！
我哋仲加咗兩款其他配菜，包括
巴馬臣芝士薯條$68
忌廉菠菜$68
芝士薯條好香呀，口感仲好香脆！另外忌廉菠菜分量十足，上面仲有啲芝士，用咗落去令到口味更豐富濃郁。
因為今日揸車過嚟，所以就唔飲啲酒精嘅嘢啦，基本mocktail其實都幾吸引，而且性價比都幾高！
MccSorley‘s Fruit Fizz Apple$45
MccSorley‘s Fruit Fizz Strawberry$45
賣相都唔錯，如果係小朋友或者揸車嘅人士都可以揀下呢度啲d mocktail。
Post
