燒烤堂 (Moved) New Location

去咗中環九如坊6-10號林氏大廈地下C-D號舖嘅燒烤堂，去食我最喜歡嘅菜式 — 串燒，我覺得所有串燒愛好者都絕對要來幫襯下！詳情如下。首先，食物種類非常多，而且有好多上等嘅食材，例如元貝、鮑魚、鵝肝等等。味道款式亦非常多！第一碟到咗嘅係鹽燒秋葵，一來想有啲蔬菜伴串燒，二來佢哋嘅秋葵都非常新鮮。第二碟分別係汁燒豚肉金菇卷、海苔黑豚肉鵪鶉蛋，同埋鹽燒豚肉露筍卷。個人重點推介海苔黑豚肉鵪鶉蛋！配上沙律醬，超級好味，最緊要趁熱食！第三碟，登登登登，主角登場！鹽燒A4宮崎和牛串！真係超！級！好！食！香口得來啲和牛脂肪入口即溶，食過包你難忘。最後壓軸出場嘅，就係焦糖青蘋果鵝肝多士，我可以話，完全冇諗過咁好食！亦絕對係我食過最好食嘅鵝肝之一，正如圖片所見，外表已經非常新鮮，煎得非常好，再加上佢嘅青蘋果非常足料，焦糖嘅配搭亦都好好，真係非常非常好食！總結而言，鍾意食串燒嘅你，絕對不容錯過呢間燒烤堂。