Picoso

Open Now

Now Closed

今次黎到Picoso，係荔枝角地鐵站D2 Place附近，行完街好就腳。一入到門口就俾佢木色調嘅裝潢吸引，店家有好多墨西哥民族風嘅裝飾掛牆，最緊要係連啲餐碟都有認真挑選，好有品味，非常適合影相打卡。墨西哥秘製香料燒雞 配薯角香料濃郁而又不重口味，外皮燒到焦脆，切開或者撕開都好順滑，肉質軟嫩，少許辣味，惹味香口；薯角炸得香脆，加上蜂蜜芥末醬，好食到停唔到；再配上酸醋沙律，非常開胃去膩。Tacos墨西哥玉米餅墨西哥菜必食之選，餡料豐富到不得了，除咗充滿肉汁嘅煙燻手撕豬肉，仲有豆蓉、芝士碎、生菜、碎蕃茄粒、粟米粒，配搭上酸忌廉同牛油果醬，帶出清新口感平衡味覺。秘製蟹肉炸餅係店家招牌，表皮炸得酥脆，睇佢切面就知唔怕俾人望，滿滿蟹肉，絕對足料，食落好有滿足感。