素苗 (Closed)

入夜後，行入素苗條小路連街燈都冇，第一次去就算兩個人一齊行都驚驚地。但一入到素苗，就去左另一片天地，環境清幽，好似去左泰國😍😍😍聽住餐廳播既歌食飯，久唔久仲聽到貓叫聲（素苗入面養左好多隻貓🐱🐱🐱），好特別既用餐體驗蘋果斑蘭薏米水，好清新，兩個人都飲唔晒！前菜係有機粟米芯、紅毛丹椰絲yogurt 連子，咁既配搭都係第一次食，好有新鮮感！西洋菜冬瓜粒湯，味道濃郁😋自家製杞子麵包，呢個麵包相對冇咩特別，不過不失，但配湯咁食法就好正！風乾羽衣甘藍熱情果番石榴醬汁配印尼tempe沙律，一路食就好似一路尋寶咁，每一啖都食到唔同既食材😋主菜好豐富！！！有煙燻牛油果配芝士、藜麥蘋果合桃薯蓉配大啡菇、朱古力釀甜椒（第一次食咁既配搭，出奇地好吃😋）、梅酒車厘茄、黑松露蘆筍洛神花cheesecake都係第一次食，醬汁係洛神花，cheesecake本身就正常發揮。雜果雪葩無落糖，好食又健康😋😋