囍 (Closed)

趕完貨非常餓, 同同事一落樓下就去左呢間打邊爐, 平時午市少機會食, 今次終於有機會.想豐富D要個$168餐, 有海鮮拼盤, 牛, 豬, 雞等.海鮮有魷魚, 好大隻圓碌碌, 夠爽口唔韌, 有嚼頭. 蠔同青口亦夠大隻, 新鮮無沙, 煙韌彈牙. 牛肉肥瘦均勻, 特別彈牙, 肉夠軟嫩, 肉味夠濃.牛脷亦非常爽口, 唔會太韌, 肉味濃. 平時牛脷多數做燒物, 今次打邊爐食原來都好好味.仲有豚肉片, 肉質都好嫩滑, 唔會太老, 肉味都好濃, 口感唔錯.其他仲有好多配菜可以任拎, 食到非常之飽, 好豐富.