Video
Read full review
2008-10-02
10 views
起身岩岩三點三，早餐晏晝下午茶一齊食。上慈雲山食阿肥，早知佢豬扒同牛油雞翼好食，但下午茶時段冇牛油雞翼，咁茅頭就直指豬扒。坐低諗住叫一個豬扒河同一個豬扒飯，落單前突然見到隔離檯個三寶飯好靚仔，咁就比多幾蚊食三寶飯(豬扒+香茅雞翼+扎肉/餐肉/煎蛋)，黎食越南野當然拼扎肉啦。餐飲要凍奶茶x2。豬扒河黎先，望落去令人好冇胃口，豬扒比湯浸住，湯同塊豬扒d色水都唔夠。事實上d湯都真係幾淡，河粉就一般貨色。跟住食豬扒時，未放入口就已經聞到好香香茅味，咬落去，好嫰！(但唔似用野"乸"過)然後兩個人夾手夾腳，一分鐘秒殺左佢，阿姐行過【乜咁快手啊﹖】我話【係啊！】心諗【我個三寶飯呢﹖】三年後三寶飯到，今次忍唔住要開餐，唔記得影相，呢塊豬扒色水就夠，好正。雞翼同扎肉十分麻麻。d飯撈埋蔥油好正。淨豬扒飯好d。鋪面超級細，要坐街邊食。衛生麻麻。飲品唔係強項。為左豬扒，值得翻閹。
上慈雲山食阿肥，早知佢豬扒同牛油雞翼好食，
但下午茶時段冇牛油雞翼，
咁茅頭就直指豬扒。
坐低諗住叫一個豬扒河同一個豬扒飯，
落單前突然見到隔離檯個三寶飯好靚仔，
咁就比多幾蚊食三寶飯(豬扒+香茅雞翼+扎肉/餐肉/煎蛋)，
黎食越南野當然拼扎肉啦。
餐飲要凍奶茶x2。
豬扒河黎先，
望落去令人好冇胃口，
豬扒比湯浸住，
湯同塊豬扒d色水都唔夠。
事實上d湯都真係幾淡，
河粉就一般貨色。
跟住食豬扒時，
未放入口就已經聞到好香香茅味，
咬落去，好嫰！(但唔似用野"乸"過)
然後兩個人夾手夾腳，
一分鐘秒殺左佢，
阿姐行過【乜咁快手啊﹖】
我話【係啊！】心諗【我個三寶飯呢﹖】
三年後三寶飯到，
今次忍唔住要開餐，唔記得影相，
呢塊豬扒色水就夠，好正。
雞翼同扎肉十分麻麻。
d飯撈埋蔥油好正。
淨豬扒飯好d。
鋪面超級細，要坐街邊食。
衛生麻麻。
飲品唔係強項。
為左豬扒，值得翻閹。
Post
