嚐越 (Closed)

和朋友行完葵蔥廣場， 去新都會睇下有咩食, 朋友想食D香口野提議試下嚐越，未食過甘就試下。 入到去環境好逼，D冷氣仲好唔夠， 不過我唔太理環境，D野好食價錢合理最緊要，打開MENU， 我有冇眼花， 條春卷四十四蚊2條，叫四條就八十八蚊，我望下隔離叫左2條春卷， 1條個SIZE只係中指甘長，剪開一半，竟然要22蚊1條，會唔會貴得過左火位，喱條春卷係最普通果種， 入面都係蘿蔔，粉絲木耳果隻，唔係有什麼蝦，蟹，我覺得唔係食唔起， 但係唔值得，所以唔會叫。   尋覓下其他野食 ，最後叫左牛肉湯河，網蝦，牛油雞翼 ，牛肉湯河合格，網蝦炸到全部有黑屎，勁油   ，牛油雞翼我會提議佢改名，完全冇牛油味，又硬，我阿媽仲炸得好過佢，成餐最好係杯青檸梳打，調得唔太甜，不過喱間唔會再黎。