小食皇大排檔

Open Now

Now Closed

去完淘大買野，諗住到前面食下茶記，見廣告牌有間小食皇，好耐無食過腸粉個啲，去食下都好。小店都幾舊式風格，但食品種類就超級多，除左港式小食，仲有炒粉麵飯，車仔麵，蒸頭飯等。😋腸粉燒賣腸粉四條加魚肉燒賣五粒，下午時段都蒸過龍，腸粉仲好挺身㗎，最正係多醬多豉油，仲有芝麻添。😋煎讓三寶呢樣又係勁鍾意嘅小食黎，要左紅腸、青椒、矮瓜、豆腐同魚蛋各一件，其實款款都鍾意食，好難揀😅三寶預先炸過，點嘅時候再即刻返炸，拎上枱時熱辣辣，魚肉彈牙大大件，真係好好味。😋兩溝再點左碗魚肉溝碗仔翅，店員問落唔落醋、胡椒粉同辣菜莆，咁正梗係要落齊啦，碗仔翅足料杰身，魚肉雖然較淋，但調味唔錯，仲勁大碗好抵食啊。😋可樂食咁多野再加支冰凍可樂，爽呀！一個人咁多都幾誇張，但好多無食覺得好好味，樣樣都想食呀嘛。