麵尊

Open Now

Now Closed

好耐冇黎食，今日平日一個人黎食早lunch，十二點正到，咁早黎都差唔多Full晒咁滯，好彩唔駛等，因為五分鐘之後已經開始出現排隊嘅人龍⋯Order左咖喱魚蛋、豬紅同五香牛腩河粉，要多蔥，多腩汁及咖喱汁。食落湯底濃，咖喱夠辣，同之前一樣咁出色。本身我係豬紅控，對豬紅有要求，今次佢嘅豬紅就冇之前咁好食，硬係覺得有少少腥味🤥，不過都唔差嘅。五香牛腩同咖喱魚蛋都係十二蚊，牛腩夠入味，份量多，不過切成一片片唔係一舊舊🤔，相反魚蛋只係得三粒，雖然夠大粒同彈牙，但性價比就相對低好多。買單$60有找，銅鑼灣地帶，又夠飽，都真係抵嘅！