Video
Read full review
2024-12-05
0 views
Lunch time大概1:00pm同幾個朋友黎食lunch ，環境舒適，都差唔多full。老實講，如果你係趕時間嘅，諗住快快食個lunch，可能就未必適合。因為啲嘢食都要比較多時間先到。我哋當日由一點傾到去三點幾。侍應服務態度都好好，初初就有啲忙，但係都會見到你嘅時候肯即刻嚟幫你。我哋坐咗咁耐都冇話要我哋交枱，因為其實過咗兩點幾人流明顯就減少，都開始好多空位。lunch set包湯同飲品，如果想飲啡就要加錢（$18）。我飲咗抹茶鮮奶，好鍾意佢個奶泡好棉密，同好濃抹茶味，又有鮮奶嘅甜香。一行幾人試左唔同既意粉，本身最有期望係菠菜忌廉汁三文魚貓耳朵粉，不過有啲失望。因為貓耳朵正常有一定的厚度，煙韌有嚼頭，但呢個完全無比較煙靭既感覺，仲有啲太淋。意粉質地較貓耳朵好，蒜香辣蟹肉蟹籽扁意粉同酥炸生蠔明太子扁意粉都唔錯，蒜香及明太子味都有少少辣味幾惹味，但未叫出色，蟹肉唔多，酥炸生蠔就有三粒。櫻花蝦海膽扁意粉非常出色，有幾粒海膽。整體價錢唔貴，唔腥鮮甜惹味，意粉仲好掛汁，口腔海膽味。試過有啲海膽忌廉意粉會好「漏」，完全無呢個問題。小食（各+$48）加配左炸薯條黑松露醬同奥地利忌廉芝士條，薯條份量
老實講，如果你係趕時間嘅，諗住快快食個lunch，可能就未必適合。因為啲嘢食都要比較多時間先到。
我哋當日由一點傾到去三點幾。侍應服務態度都好好，初初就有啲忙，但係都會見到你嘅時候肯即刻嚟幫你。我哋坐咗咁耐都冇話要我哋交枱，因為其實過咗兩點幾人流明顯就減少，都開始好多空位。
lunch set包湯同飲品，如果想飲啡就要加錢（$18）。我飲咗抹茶鮮奶，好鍾意佢個奶泡好棉密，同好濃抹茶味，又有鮮奶嘅甜香。
一行幾人試左唔同既意粉，本身最有期望係菠菜忌廉汁三文魚貓耳朵粉，不過有啲失望。因為貓耳朵正常有一定的厚度，煙韌有嚼頭，但呢個完全無比較煙靭既感覺，仲有啲太淋。
意粉質地較貓耳朵好，蒜香辣蟹肉蟹籽扁意粉同酥炸生蠔明太子扁意粉都唔錯，蒜香及明太子味都有少少辣味幾惹味，但未叫出色，蟹肉唔多，酥炸生蠔就有三粒。
櫻花蝦海膽扁意粉非常出色，有幾粒海膽。整體價錢唔貴，唔腥鮮甜惹味，意粉仲好掛汁，口腔海膽味。試過有啲海膽忌廉意粉會好「漏」，完全無呢個問題。
小食（各+$48）加配左炸薯條黑松露醬同奥地利忌廉芝士條，薯條份量超多，芝士條有4條其實就好似切成一條條嘅薯餅夾忌廉芝士。
甜品叫咗可麗餅crepes-banana 同招牌開心果巴斯克蛋糕（餐+68），可麗餅餐牌上嘅樣子非常吸引，但係味道就正正常常，特別嘅係佢舊雪糕好似係唔知純素定係豆腐雪糕（？），我就麻麻哋，不過有朋友相當喜歡。開心果巴斯克蛋糕開心果味算係有嘅，甜味適中，質地都好幼滑，但係覺得就唔算太濃開心果味。
Post
