二兄車麵館

Open Now

Now Closed

二兄車麵館，係大圍新開。趁非繁忙時間，入去試吓手勢。首先我哋有招牌大碗。眼見大碗面真係好足料，一個女仔都未必食得哂。魚蛋夠入味，好香既咖哩味。豬皮夠軟身之餘，又帶點爽口。吸左湯汁，更惹味入口。而雞翼同雞翼尖，帶香濃既鹵水味。鹵水汁入哂肉，咬落飄出陣陣鹵水香。正！豬紅有彈性，唔會一咬就散。湯底再加d 腩汁，仲豐富味道層次。麻雀雖小，但碗麵功架十足。再來有個煎蠔餅。呢個蠔餅夠鑊氣，新鮮熱辣辣，香脆可口，粉漿不黏，更有蛋香。重要既係粒粒蠔仔，咬落鮮味十足，令我停不了口！而冬天時更少不免來個臘味飯。呢個臘味籠仔飯，帶有荷葉既清香，中和臘肉既肥膩感。但臘肉既咸香又帶來醒胃既惹味感。仲有油脂滲入米飯中，就已經令人食指大動。香芋既粉黏，提升左臘味飯既口感同層次。食完個飯直頭成個人暖笠笠！我諗平時收工後，有時間一定會再食。