麵屋武蔵 虎洞 (北角匯二期)

Open Now

Now Closed

疫情下夜晚都少左出街食飯，買外賣自然成為日常。赤虎虎尾沾汁麵 $80沾麵既好處係湯同麵一定係分開，而麵同餸再用分隔分開，配料有豬腩肉、笋、糖心蛋，仲有一條長長既豬肉腸。湯分別有白、黑、赤虎，今次揀左赤虎，即係帶辣味既沾麵湯汁，味道唔會好辣，好惹味，麵質夾口彈牙，份量亦好多，非常好食。牛肉鯖魚日式四格便當 $58飯盒擺盤好和式既設計，鯖魚嫩滑牛肉汁香味濃，送飯一流。武藏煎餃子 $38餃子都係拉麵店必點，雖然係外賣，但返到屋企食味道都唔會差好遠，餃子皮薄，煎得香脆冇過火。武藏炸雞 $38炸雞熱辣辣炸起，皮脆肉嫩，份量亦唔少，加上自家制醬汁好惹味，誠意推介。