Video
Read full review
2018-09-25
108 views
今日同朋友中午係中環附近lunch，因為突然好想食意粉，又用app搵到呢間叫做Italian Club既餐廳，於是就揀佢啦！無揀錯啊！因為位於荷李活道上面既巷，始終離下面office building有段距離（搭好幾段半山電梯），所以閒日黎呢度幾少人，好多空位，亦令呢度坐落更好feel。餐廳環境昏暗，我真係覺得好有feel，暗得黎同佢裝修好夾。呢度裝修好靚，以深啡、黑做主調，有classic vintage既感覺，坐係度有去左外國既錯覺，係度坐下傾下計咁食飯好舒服。好鐘意個環境！坐低後waiter就比d包我地食下先，呢個長條形既包真係好高質，鬆軟得黎又好有咬口，加上呢度既黑醋酸甜比例恰到好處，用黎點包會食唔停！不過當然都唔會唔記得點野食啦我地叫左兩個pasta，一個卡邦尼意粉, 一個肉醬意大利雲吞，大推佢既肉醬類pasta！！順帶一提，呢度上菜時間較長，真係好似歐洲咁起碼起四個字，甚至可能近半個鐘，總之趕時間、lunchtime好短既千其唔好係度食，你會癲架不過我地唔算趕，同埋食野快，唔怕等既，主要係肚餓，但有d長條包食下都ok。第一碟pasta黎啦！鮮茄肉醬意大利雲吞唔好睇佢一堆野咁
因為位於荷李活道上面既巷，始終離下面office building有段距離（搭好幾段半山電梯），所以閒日黎呢度幾少人，好多空位，亦令呢度坐落更好feel。
餐廳環境昏暗，我真係覺得好有feel，暗得黎同佢裝修好夾。呢度裝修好靚，以深啡、黑做主調，有classic vintage既感覺，坐係度有去左外國既錯覺，係度坐下傾下計咁食飯好舒服。好鐘意個環境！
坐低後waiter就比d包我地食下先，呢個長條形既包真係好高質，鬆軟得黎又好有咬口，加上呢度既黑醋酸甜比例恰到好處，用黎點包會食唔停！不過當然都唔會唔記得點野食啦
我地叫左兩個pasta，一個卡邦尼意粉, 一個肉醬意大利雲吞，大推佢既肉醬類pasta！！
順帶一提，呢度上菜時間較長，真係好似歐洲咁起碼起四個字，甚至可能近半個鐘，總之趕時間、lunchtime好短既千其唔好係度食，你會癲架不過我地唔算趕，同埋食野快，唔怕等既，主要係肚餓，但有d長條包食下都ok。
第一碟pasta黎啦！
鮮茄肉醬意大利雲吞
唔好睇佢一堆野咁，其實真係好正。佢既Ravioli係正方形果種，一片片鋪排係長形既碟上，再淋上大量鮮茄肉醬。先講d鮮茄肉醬——高質！！足料肉碎、酸度恰好既鮮茄同茄醬仲有芝士，呢個醬真係誠意滿分，正到用埋黎點包食！佢Ravioli入面包住既肉都好香，鮮茄肉醬濃味得黎都仲食得出Ravioli入面既肉香，真係正！滋味！
waiter見我地食完d包，仲補上新鮮出爐既麵包條！不得了，熱騰騰既包條真係更加滋味
卡邦尼意粉
呢碟其實唔睇價錢、客觀黎講係好味，不過又未至於好味到驚喜或者下次會再叫，睇埋個價錢就會覺得呢個價位有進步空間。佢意粉質感算正常，不過覺得以近200蚊價位既意粉黎講應該要有完美既al dente口感。另外，可能因為等埋ravioli serve，ravioli好熱，但呢碟就係暖唔係熱。
佢係好味既、惹味既，有趣既係無論我係意大利定香港食既咁多碟carbonara都未試過係呢隻味，所以第一下覺得有d有趣，不過佢係好味既，感覺上係比較偏向係意大利果時食過既口味，但又唔完全一樣，亦同香港多數餐廳整既既唔同味，你可以當佢唔係carbonara咁食hahaha，我最深既印象係佢幾重既黑椒味，同埋幾靚既煙肉。
食完pasta其實都少少飽，雖然每碟唔算好多，但食下d好好味既包條都幾飽haha，所以加個甜品就剛剛好！我地就加個Tiramisu。佢既tiramisu好多，有d加水果既款揀，因為聽落太怪，我地就揀傳統果種！
面有d朱古力碎片~
呢個tiramisu好驚喜~夠滑又唔會太漏，好味！滿足~
真係唔錯既意大利餐廳
Post
