美心Food2 (Closed)

機場食店選擇雖然多，但工作大的午餐，唔可以慢慢嘆，反正要快，就去快餐店食，接機大堂樓底高，採開放式設計，枱與枱唔太迫，先搵位，好好彩有人剛走，向大堂阿姐招手執枱，好快攪掂，有張圓枱！分批去買餐，雖然人多，櫃檯店員都好爽手，先落單再攞食物，八達通比錢，落好單先記得有員工價，問店員可以後補，佢黑面咁退回差價比我！之後出齊餐自己攞埋枱！估唔到個咖哩汁好濃，牛腩牛筋好多件，牛腩入味唔嚡，牛筋好粗，入味彈牙，好唸好入味！薯仔唔唸，質感爽口！咖哩汁好香濃，微辣！白飯好大球（唔記得叫少飯）！連埋爽口嘅幾款蔬菜，健康啲！好好味！熱咖啡：夠濃唔澀！港式風味！快餐都唔代表要委屈自己！