牛摩+ (沙田中心) (Closed)

之前有食過牛摩，但沙田分店好差，肉類質素很一般，出去攞嘢食嘅位置好窄，選擇好少。座位同樣迫，唔舒服，而且服務一般，收碟頗慢，而且問佢咩肉，佢答錯嘅🫢美國IBP牛板腱 $219肉類牛肉有三種，牛肩胛、牛板腱、牛舌，牛肩胛最好食，牛舌有陣腥味，而且唔夠彈牙。整體牛肉質素都係平庸普通，肉味非常淡。羊肉卷肥肉多，有微微腥味。豚肉表現唔錯，唔會好韌。仲可以叫青口、帶子、魷魚、豬血，表現同樣普通。湯底、醬油湯底有5-6種選擇，都係啲普遍都有嘅湯底。醬汁有豉油、柚子醋、辣油，但辣油有啲益味，仲有生蒜炸蒜蔥粒辣椒。任食吧地方淺窄好迫，選擇相比其他牛摩舖頭少好多。蔬菜得3-4種、丸類有5-6種、芋絲烏冬拉麵、豆腐蕃茄南瓜芋頭蘿蔔，都七七八八。我見其他舖頭有熟食炸餃子炸薯條，但呢到冇提供，只有少量壽司。飲品、甜品飲品有汽水類同幾款果汁，果汁非常唔錯飲。甜品有少量蛋糕，非常一般，仲有北海道低脂雪糕，口感似雪葩，可以落toppings。