香港仔茶餐廳 (Closed)

通常早餐都會去連鎖餐廳食，但有時同事們又嫌人多又貴份量又少，今日就去咗傳統茶餐廳試。我叫咗早餐D，係金牌豬軟骨米線配火對煎蛋牛油方包，飲熱檸茶。份量真係多好多，豬軟骨同米線都好淋，好啱箍牙妹食，淨係食呢個米線已經夠曬飽，係平時午餐嘅份量，不過我就對個醬汁一般。牛油方包又熱又軟，相比某啲連鎖餐廳真係正好多，因為好多時個包都係又凍又硬嘅。雖然每個餐都set好食乜嘢，但係問多聲應該係可以改嘅，我聽到隔離枱食公仔麵轉米線咁，煎蛋又變炒蛋，其實同連鎖餐廳自選差不多。