一芳台灣水果茶 (Closed)

中午十二點幾，喺美麗華行完街買完衫，正諗住走既時候，居然見到一芳門口冇乜人。平時賣台式野飲既舖，點都有堆人架嘛。既然唔洗排，又咁岩口淡淡，不如買返杯啜下啦😂見到寫住黑糖粉圓系列限量100杯，二話不說，諗住時間尚早，應該仲有，揀呢個試下啦。前面得一個女仔等緊，幾分鐘都唔洗，我杯野就整好啦。不過呢個系列冇得自訂口味，即係冇得揀多冰少冰揀甜度果啲。我平時飲開走冰正常甜既。一飲落去都ok粉圓稔左啲囉，冇乜咬口普普通通啦牛奶沖淡左啲粉圓，所以飲落唔會好漏。想飲啲有味既，唔想飲水咁寡，咁不失為一個選擇。