心選 (Closed)

今晚約左朋友係旺角睇戲，睇戲前就去左呢間食個晚餐先～～～因為我地打算睇完戲之後再去食宵夜，所以我哋呢轉晚餐就食住少少先。呢間餐廳既燈光比較柔和，好適合情侶或者閏蜜係呢度傾下計、談下心☺️☺️而且擺設方面都好有童話感覺😁😁好多胡桃夾子既公仔擺設❤️我哋叫咗一碟煙肉卡邦尼長通粉一齊兩份食，呢碟長通粉上面有隻生蛋黃，吉穿佢撈埋落通粉度一齊食，真係好正！意粉唔會太乾，又唔太濕笠笠👍🏾👍🏾👍🏾👍🏾而且通粉上面嘅芝士粒都好多！！！成碟通粉嘅味道都好濃郁😋😋😋除此之外，我哋再叫左一碟蜜糖雞翼，同埋凱撒沙律share嚟食。碟蜜糖雞翼都唔錯，啲雞翼食落去有陣淡淡既蜜糖味，但係啲蜜糖又唔會過多，所以食落去都唔會覺得好漏。而碟凱撒沙律啲菜都好新鮮，而且每塊菜都唔會太大塊，方便拮住食，啱晒我哋啲呢啲注重食相既女仔😂😂😂飲品方面，我地揀左紅棗黑糖薑茶同埋桂圓紅棗杞子茶。兩杯既紅棗味都好香甜，而且亦都冇加工嘅甜味！！特別適合女仔飲☺️☺️