Villa Villa

Open Now

Now Closed

落雨天約咗朋友喺北角食飯，想搵間飲吓啤酒食吓西餐嘅餐廳，朋友揀左Villa Villa，入到舖頭就知道老闆係熱愛足球嘅粉絲，好有西班牙嘅感覺。我哋單點咗幾樣嘢，首先嗌咗個蘑菇湯，配墨汁麵包，味道不錯，墨汁麵包冇搶到蘑菇湯嘅濃味，配搭起來啱啱好。第二嗌咗餐廳新推出墨汁pizza，我哋揀咗三款配料，有煙三文魚，辣肉腸加芝士，厚薄適中，感覺到係新鮮焗出嚟嘅薄餅。之後嗌咗明太子鮮蝦意粉，材料好充足，有四五隻大蝦，而且明太子好多，整體意粉味道中上！另外我哋仲叫咗個燒牛舌同燒羊扒配啤酒，燒牛舌好嫩滑，燒牛扒好多汁，兩個燒嘅熟度都啱啱好，唔會乾身，好適合我同朋友一班人喺度飲酒吹水！