醉權

Open Now

Now Closed

男朋友唔知係邊樹見到介紹呢間新既鋪頭，專賣醉雞，佢話好想試下，於是特登出元朗。😄佢冇招牌，勁唔明顯，搞到我地搵左一陣先見到間野係邊。😂鋪頭細細，有4-5張枱左右，要坐得迫少少。－餐牌非常簡單，基本上都係醉乜醉乜。果到都幾多人，唔知係咪廚房唔夠人手，所以叫完野等左好耐先上菜。😵梅菜豬肉雲吞好少見到有梅菜豬肉做餡既雲吞，叫黎試下。果然冇失望，好大隻，係屋企食到既梅菜豬肉味道。😍—醉雞腎、醉雞蛋雞腎好爽口，雞蛋好入味。—醉豬潤呢間既酒味好濃，濃到有少少苦澀味，男朋友頂唔順，但藍妹覺得還可以。🤔藍妹好似未食過醉豬潤，估唔到好正，超鐘意豬潤既口感，份量勁多，係食唔哂嫁。😲—醉雞、炭燒豬頸肉河粉（藥膳湯）因為兩樣都想試，所以叫左雙拼麵。醉雞同預期既一樣，雞肉滑嫩，而且入味。☺️至於炭燒豬頸肉，都幾有驚喜。脂肪既分佈好均勻，食落去好嫩，但同時保持到彈性。😋藥膳湯好香既藥材味，唔會苦。—山長水遠去到，總算冇失望。雖然酒既味道太濃，但如果好鐘意用酒煮既野，應該會食得好開心。😍