Cocina 3 Tapas Restaurant & Bar (Closed)

平時好少食西班牙菜，襯住好友生日約埋佢去Chill下Relax下，門口以磚牆作裝飾，入面光調偏暗好有西班牙的格調，直望可以見到一整列的Open Kitchen 同Bar枱，裝修非常有心思！餐前小食墨西哥脆片香脆，沾上酸甜忌廉醬真係會食唔停口，原來可以無限Refill，我地緊係留肚食主菜啦！烤和牛舌配蕃茄莎莎牛舌上插上西班牙國旗，好有氣氛，牛舌煎得香口軟身，配埋蕃茄莎莎一併食唔會太有油膩感。西班牙傳統陳醋燴豬仔脾濃香的陳醋味燴上豬仔脾賣相顯得比較深色，味道酸酸地幾開胃，個人比較喜歡淋身啲的豬仔脾，另外仲配有甘筍仔和薯條，送啤酒一流。天多尼雞肉自家手打薄餅全部薄餅以自家手打製作，一上枱已經被佢的香氣吸引，即刻切開有拉絲的畫面，熱哄哄的想即時放入口，配料方面有雞肉、蕃茄仔、紅椒和黃椒，餅皮係厚身的，食落都幾香脆，但係記得要快啲食，凍咗就無咁正。吉士拿破崙超級酥脆的拿破崙脆餅，配埋吉士醬，食得出製作很用心，每一啖都係滋味，係我食過數一數二好味的拿破崙。