NeNe Chicken (形點 I) (Closed)

首先，上菜速度極慢，等咗好耐先有得食，但係啲外賣就keep住有得拎走，唔使點去等。其次，上菜慢都算喇，個醬唔暖唔凍唔知想點，而且味道冇乜分別，條薯條仲要好似俾油浸過咁，麥記啲薯條都好食過佢，啲炸雞同串燒都好似攞油浸咁，每啖都成口油。雞翼中間唔知夾住左啲乜嘢，食完好似新年食阿媽炒嘅臘腸餸咁，炸雞就係一個普通嘅炸雞，冇乜好講，但總括而言整體味道極差。自問食嘢速度都唔慢，但唔明點解等咗咁耐，啲嘢食會係又油又凍咁上枱。整體來講得個包食得落口。