周記油渣麵 (Closed)

陪阿媽去開深水埗，食晏時段搵嘢食，就阿媽唔行得耐，佢又唔鐘意食車仔麵（我想試吓文記車仔麵）。就行前啲見到周記。諗住佢係招牌菜，叫嚟試吓。印象中我係第一次食油渣麵，真係好難食。啲湯唔熱，啲麵太林又冇味，油渣好肥好難食。未食過咁難食嘅一碗麵，食咗兩啖就放棄。最恐怖係其中一個員工，估應該係老細，係疫情下，帶住個口罩，但長期將個口罩拉落去下巴位，即係等於冇帶。做食肆，衛生意識咁低！我阿媽話佢碗雲吞麵都係超難食！唔會再幫襯。