滿樂中菜 (Closed)

我早兩日打電話訂左片皮鴨，但原來即日嗌都有，大家唔駛預早打去訂，無論你幾早訂，片皮鴨要等到甜品環節先到，比定心理準備要等兩個鐘！😤片皮鴨味道偏鹹，完全唔可以點醬汁食。另外，成碟鴨同啲皮都唔熱嘅。梅菜豬肉，刀功好好，每塊切到勁薄，無梅菜豬肉的口感。蒜香柚子蒸鱔，鱔係新鮮嘅，但鱔同柚子味道完全唔夾。杏汁白肺湯算係全餐飯最正常，不過不失。壽桃包好大個，每個有原隻蛋黃，都算係正常，不過不失。環境好嘈，每一個侍應都只會低頭密密做，舉手搵侍應要十分鐘先有人望到你，坐低叫左三次先開到壺茶。總結，唔會有下次。