TC2 (Tea Coffee Two) (Closed)

約朋友聚會，想傾計多d，係OPENRICE搵到尼間Cafe，於是去試下。由太子地鐡站去，都唔容易搵，附近好多裝修材料舖，搵左一陣先搵到，完全唔似有食肆的地方。星期六約六點鐘去到，唔駛等位。我地坐樓上閣樓，環境不錯，佈置特別，可見有心思，初時人少很寧靜，後來人多很嘈吵，因為是閣樓的關係，很嘈吵，和同桌的朋友聊天都要像吵架一樣大聲。飲水的杯好污糟，有油跡，似洗唔乾淨，要求暖水，只有凍水。餐牌選擇一般，選了個晚餐，但晚餐其實不是套餐，和單點沒分別，因為餐湯、沙律、麵包和餐飲全部都要額外加錢。我點了個鹽燒雞脾菇意粉，朋友點了個蜆肉天使面(忘記餐牌上所列的是什麼汁還是沒有汁的)，等左超過45分鐘，多番催促先有得食。意粉很乾身無咩味道，好難吞，向侍應要求一點汁料，佢俾左辣椒醬同芝士粉，一係辣，一係仲乾，試諗下冇乜餸又乾既齋意粉點食？朋友的天使面都係除左辣都冇乜味道。食物的質素根本不值，而且服務質素低劣，永遠唔會再黎尼間野。