王家沙 (Closed)

同老公經過此店見唔使等位,所以就入去幫襯,價錢方面屬中價,兩個人要食得飽嘅話,埋單起碼要二佰幾,味道整體偏油又偏鹹,水準一般,幫襯一次就夠了,介紹如下京葱爆羊肉,葱多過羊肉,有少少揾笨,羊羶味唔算濃,質感算嫩,可惜偏鹹,配埋薄餅來食,都中和唔到鹹度.咖哩鮮肉鍋貼,三個形容,鹹辣油,有少少苦味,好難食.蟹粉生煎包,包皮煎得又油又韌,餡料得個鹹字,食唔出蟹粉嘅鮮味,叫番普通生煎包好過.燻魚菜飯,燻魚炸得過火,質感好乾好嚡,味道帶甜得來偏鹹,菜飯用了珍珠米,口感煙煙韌韌,可惜落油太多,好漏.豆沙餅,外皮鬆化,豆沙餡過甜,如果甜度減番少少會更好.