金寶泰國菜館 (Moved) New Location

係九龍城食左咁多年泰國野，諗住上openrice睇下邊間排第一，點知第一係金寶，咪諗住試下，今日食完之後，印象中未食過一間差過依間既。其實諗住正正常常都算，但真係好差。今日一行四人去光顧，見到有三間既，都冇咩位淨，心諗應該唔差，冇記錯的話應該叫左酸辣鳳爪、蝦春卷、豬肉生菜包、泰式炒通菜、三菜鳳爪豬手煲、牛肉青咖喱、老闆炒飯、冬陰功、泰式炒金邊粉、烤豬頸肉等等。酸辣鳳爪：一道simple既菜式，味道同其他地方一樣，辣啲，但真係好少囉，唔值。蝦春卷：貴得泥都冇特別。豬肉生菜包：中上，份量好少，原先比得五六塊，一塊好貴咩？！再叫多啲，但全部爛既。烤豬頸肉：都叫可取啲，但唔係跟泰式魚露既？泰式炒通菜：哇！唔知點可以炒到冇味既。老闆炒飯：啲飯好濕，痴埋晒都算，但又係冇味既。冬陰功：酸而不辣。金邊粉：又係冇味嫁。啲野飲亦都好貴。。。總括而言，唔建議去食，又貴又唔好食。