小豆島日本料理 (Closed)

每次行經彩園廣場都會經過呢間日式餐廳，見經常都好多人，今日返工前決定黎試下。下午茶有多款選擇，除左日式食品外，亦可以揀三文治及多士，價錢都係四十蚊左右，尚算公道，最後決定食松葉蟹柳蕃茄湯拉麵。拉麵或烏冬附送加州卷兩件，加州卷份量比較細，一啖一舊剛剛好，味道不過不失。拉麵隨後就上檯，一望湯既色水就覺得好唔吸引，先試啖湯，暖的...再食舊蕃茄，凍的...好明顯係將新鮮蕃茄切完直接放落碗，煮都無煮過，拉麵麵質正常，蟹柳我食既時候已經散散地，整體黎講相當唔掂。呢度價錢雖則親民，唔知係我揀錯食物定普遍係咁，但如無意外應該唔會再黎了。