潮牛莊火鍋 (Closed)

尖沙咀金馬倫廣場呢間火鍋店環境又靚又寬敞，裝潢、佈置好有品味。用餐環境讓人感到很放鬆，適合同家人聚會。佢哋主打嘅潮汕牛喺其他地方都好少見，好新鮮同埋品質好高，啱晒食肉獸！！食完真係覺得佢哋嘅牛肉品質非常驚豔。一見到有「吊龍」即刻嗌碟嚟試下。嚟到又大碟又靚，即刻好期待。吊龍肉味香濃，又有少少咬口，作火鍋略灼就最啱。幾驚喜佢哋竟然有「腰咀」，味道特別鮮甜，同其他部位幾唔同。我哋仲叫咗幾款丸款、餃類。黑椒牛筋丸味道好香，而且口感彈牙多汁。而手工水餃皇就皮薄餡靚，大隻飽滿，味道鮮甜。