Boholic

Open Now

Now Closed

Bookmark咗哩間波西米亞風café好耐，今次終於可以試下。餐廳裝修得勁靚，宜家仲有Halloween裝飾，好多打卡位。晚市好full，如果唔想等位，要book定D位。鴛鴦，好特別嘅飲品，係用咗expresso咖啡搭配埋奶茶雪糕。倒落咖啡入杯，香濃咖啡融入雪糕，飲落唔苦好濃郁。Grapefruit Summer，以蘇打水做底，融入多款雜莓果汁，淡淡莓果香味好清爽。芝士焗澳洲薯皮，加入大量芝士入薯仔焗烤，薯仔香甜芝士拉絲，仲可以點埋乳酪醬，味道好豐富。美式BBQ醬烤焗西班牙豬肋骨配洋蔥圈，豬肋骨預先醃制過，焗烤得好軟嫩，表面BBQ醬鮮甜惹味同豬肋骨好夾。搭配嘅沙律菜好fresh，洋蔥圈好脆口TIM。法式焦糖卡仕達梳忽厘班戟，班戟即叫即整，送上來仲熱笠笠。班戟整得好鬆軟，同埋蛋味好濃郁。卡仕達醬唔會好甜，奶香味十足同班戟好夾。