Séan Cafe (Closed)

呢間餐廳係我bookmark咗一段時間，好想去今日食完晚飯想食個甜品試新嘢，就去咗呢度啦餐廳位置唔算大街，真係要跟住地圖搵先知原來係尖沙咀呢個巷仔嗰度。餐廳門面望落去好光，好新，一睇就見到係Sean cafe大概七點半左右去到，基本上得返兩張二人枱，因為本身餐廳唔算好大。好彩我哋今日食咗個早飯，就即刻可以早啲食甜品見到晚餐餐牌非常抵食。不過可惜我哋已經食咗嘢，就唯有散叫甜品。嗌咗玫瑰pancake同埋桂花烏龍玫瑰pancake嚟到個樣好靚，充滿玫瑰花瓣，仲有玫瑰花喺上面，影相真係一流 賣相好靚雖然份量唔係好多，但係過下個甜品癮一齊share都唔錯味道方便，pancake充滿玫瑰味，中間同面都有好多cream，食落味道都算ok唔係好驚喜，未清得上超級好食。但係真係好靚桂花烏龍茶，大大壺，兩個人share都ok烏龍茶味唔算好濃，但係有桂花香味 另外仲有蜜糖俾你自己加。而且飲到咁上下仲可以叫店員加啲熱水，認真抵飲。餐廳裝修雖然簡單，但係有啲真嘅花同有個位佈置得好靚，應該係店主好鍾意好靚充滿少女風格順帶一提餐廳的員工全部都好nice，令到我地食得好舒服