田浦食肉

Open Now

Now Closed

今日試左呢間想試好耐嘅韓式燒烤店，由佈置到背景音樂都係滿滿嘅韓國風味，令你置身於韓國一樣。水冷麵上菜時店員會剪開啲麵,方便食用, 真係好貼心!一上枱真係嚇親，估唔到佢份量都唔細，表面有冰keep住冰涼感，加埋個芥辣醬，酸酸甜甜咁超解膩，啱曬燒肉嘅時候食！而且冷麵條夠曬煙韌彈牙，加上容易入口嘅長度濃郁嘅牛肉高湯，配埋清爽嘅小黃瓜切片、紅蘿蔔同蛋絲,真係好豐富~雞蛋羹咧個其實即係平時食開既蒸蛋，但真係要試！喺韓國食嘅通常都會蒸到脹卜卜轉頭就會收縮，佢個蒸蛋擺左陣都係咁膨同實淨，證明佢係真材實料啦~ 但係味道上佢都仲係同韓國食嘅一樣咁嫩同好味大醬湯佢個大醬湯湯底好香，味道濃郁，入面有好多料，豆腐同蔬菜嘅清淡配上湯嘅濃郁真係好襯，而且係熱辣辣咁上菜，飲完成個人暖笠笠，冬天真係啱曬！牛排骨我哋叫咗個烤牛排骨套餐，真係好surprise~ 肉質鮮嫩得嚟牛肉味好濃，成條排骨放在眼前，淨係望都覺得吸引。店員oppa會幫將塊牛排骨剪成一片片，連排骨邊嘅小筋肉都唔放過，唔使自己好狼狽咁拆骨