蘭芳園 (Closed)

同朋友本來計劃去大館，不過最後取消左，經開上環，所以去蘭芳園食個tea。我地3個人叫左個蕃茄豬扒通粉，燒鵝蔥油撈面同，雞扒蔥油撈面，加多個西多士同埋3杯凍奶茶。食個tea都比侍應笑我地好似叫得有啲多。不過啲野食好好食我地係食哂既！撈面啲蔥油又夠多味道又好香，燒鵝都燒得好有質素，雞扒都幾大件。蕃茄通粉湯底好有蕃茄味好好食。西多士夠厚，加埋糖漿溝埋牛油，超好食！ 不過奶茶就雖然岀名，但係反而我地覺得一般般，冇乜特別。