深宵食堂 (Closed)

樓上鋪嘅串燒店，每一味都非常認真製作，一點都唔馬虎，碟碟即叫即燒，熱辣辣，十分新鮮，讚！我哋叫咗好幾個燒物，其中燒京蔥好突出，個味調得好惹味，非常多汁，燒到有少少煙熏味。燒鱔外皮好脆，裡面好豐富嘅魚汁，鮮味十足。燒羊架本身食材好新鮮，肉身一啲都唔會乾。燒牛仔骨好濃牛香。燒芝士年糕好特別，煙韌感十足，內裏有流心芝士。另外仲叫左個大阪燒，非常之捉了，裏面有好多章魚，上面都有好多木魚。牛肉薯仔餅都好好食，焗皮好酥脆，個餡啲薯仔好甜，好滑，口感十足。餐廳好多選擇，有燒物，有炸物，有飯，有烏冬，有小食，有甜點，一次過食晒好多種類嘅食物,食得好暢快!