Video
Read full review
2010-05-10
88 views
預早兩日同細妹慶祝生日之前已諗左好耐去邊度食飯好，最後就揀左呢間沙嗲王由於係星期6晚，所以都知道會好多人，所以我地就等到夜晚9點幾先去食飯，去到都仲要等位，好彩...等左唔夠10分鐘就有位啦我地揀左以下呢d野食↓↓↓↓↓↓"豬肉粉卷"...呢個係一個好食之選，因為每一次去到沙嗲王都一定會叫呢個，因為實在太好食粉卷好滑而且夠薄身，裏面有小小豬肉碎，外面有小小豬肉鬆舖係面，加埋小小醋一齊食，簡直係無得頂"xo醬炒蘿蔔糕"...呢個係另一個好食之選，蘿蔔糕煎得夠香口，XO醬夠辣好惹味，每一小件蘿蔔糕都會有XO醬係面...正"芝士焗餃子"...芝士味好香濃，白汁味道啱啱好，餃子裏面係有豬肉同小小菜，味道都ok好食~焗嘅時間亦都啱啱好...好食"粒粒墨魚糖"...一杯有10支，每一支都好似手指咁上下，好脆...裏面雖然只有墨魚，但係點埋個泰式甜酸醬，真係好好食呀"吉列豬扒石頭煱飯"...除左豬扒同飯仲有...洋蔥&紫菜，再有一隻生雞蛋，撈完之後蛋已經熟左，豬扒炸得唔錯仲幾大件，飯嘅口感都ok，但係可能就係因為吉列關係，所以食左小小就已經覺得好「濟」，但都係ok好食"蟹粉豆腐煱"...呢個係第3個
由於係星期6晚，所以都知道會好多人，所以我地就等到夜晚9點幾先去食飯，去到都仲要等位，好彩...等左唔夠10分鐘就有位啦
我地揀左以下呢d野食↓↓↓↓↓↓
"豬肉粉卷"...呢個係一個好食之選，因為每一次去到沙嗲王都一定會叫呢個，因為實在太好食粉卷好滑而且夠薄身，裏面有小小豬肉碎，外面有小小豬肉鬆舖係面，加埋小小醋一齊食，簡直係無得頂
"xo醬炒蘿蔔糕"...呢個係另一個好食之選，蘿蔔糕煎得夠香口，XO醬夠辣好惹味，每一小件蘿蔔糕都會有XO醬係面...正
"芝士焗餃子"...芝士味好香濃，白汁味道啱啱好，餃子裏面係有豬肉同小小菜，味道都ok好食~焗嘅時間亦都啱啱好...好食
"粒粒墨魚糖"...一杯有10支，每一支都好似手指咁上下，好脆...裏面雖然只有墨魚，但係點埋個泰式甜酸醬，真係好好食呀
"吉列豬扒石頭煱飯"...除左豬扒同飯仲有...洋蔥&紫菜，再有一隻生雞蛋，撈完之後蛋已經熟左，豬扒炸得唔錯仲幾大件，飯嘅口感都ok，但係可能就係因為吉列關係，所以食左小小就已經覺得好「濟」，但都係ok好食
"蟹粉豆腐煱"...呢個係第3個好食之選，賣相幾吸引，顏色好靚，侍應攞到黎枱仲係好滾好熱~煱入面有豆腐同蟹肉，食到有薑味、蟹味同咸蛋黃味，醬汁好香濃，豆腐亦都好滑，如果係同白飯一齊食簡直一流
"鰻魚石頭煱飯"...呢個比較普通，石頭煱飯加鰻魚，好似平平無奇，但係加埋鰻魚汁一齊撈，食落口有種好香好鮮嘅感覺
"日式大蝦意粉"...最麻麻就只有呢個，唔明點解叫做日式??食落一d日式嘅感覺都無，好普通嘅茄汁意粉，味道仲要係好淡，又唔夠番茄味，幸好蝦雖然唔算得上咩野大蝦，但都叫做爽口有鮮味，下次再去一定唔會再叫呢個!!
除左食野，我地仲每人叫左一杯飲品，但係飲品就一般，不過不失咁啦~有時間有機會一定要再去食過，因為已經唔止一次覺得好食~沙嗲王係我心水之選
Post
