金田家 (Closed)

之前午餐時段見唔洗等位加上之前儲夠印花可以食免費拉麵就入左去食，我食左個豚骨mix拉麵。我揀左個麵嘅硬度做硬，所以有少少太硬。首先值得一讚嘅係佢個湯底，因為之前已經試過佢個濃豚骨湯嘅拉麵，所以今次反而覺得豚骨mix嘅湯底更好食，更適合我。因爲佢溝左少少雞湯，所以無咁濃同無咁鹹，而同時仍然有幾重嘅豚骨湯味，即使係就咁飲佢個湯都好好飲。而另外一樣好食嘅嘢就係塊肉，雖然唔係好多塊，但係好軟，好容易咬，而且味道亦幾鮮甜，整體而言碗拉麵如果正價食雖然係將軍澳區內算係幾貴嘅嘢食，但係絕對好食，值得一試。