福助居日本料理 (Closed)

係芬尼街個間日本餐廳轉左手後，就無左燒鯖魚食，係openrice 見附近係呢到有得食，所以嚟試下！叫左個燒鯖魚定食，有湯，舖面唔算好大，目測80呎左右，坐到12個人左右，但有兩部天花嘅冷氣機，未有野食前一直吹住個頭好辛苦，但個姐姐話上星期只開一部，有客人食到好熱，我轉左位，都仲係吹住，我發覺店舖太細，應該坐邊個位都係吹住，後來有其他食客要求，店員先將冷氣吹高d～等左一陣有湯飲，飲住熱湯都仲好凍，到鯖魚上枱，見一開始係熱的，但好快都吹凍晒，越食越無心機，因為真係好凍，唯有拿拿臨食完走人！下次如果要去再食，一係外賣，一係著件有帽嘅外套先得，唔係吹到病左真係得不償失！