Lobster Une

Open Now

Now Closed

藍青口完全無沙，好欣賞，但其實唔係老闆娘形容得咁大隻。油封鴨就普通，乾左dd. 豬手勝在夠大隻，肉質都非常ok. 每碟個配菜都唔錯，不過就少咗啲。兩個人一心諗住食夠$800 送個甜品（佢聲稱價值$188, 到場時仲好似聽到係甜品拼盤？無得寫字到算，book 嘅時候唔記得講) , 勁期待，點知出到黎只係一個似蛋糕嘅donut, 而餐牌上面都係寫donut $88. 果碟野無字無蠟燭，就算圖片只供參考都唔係差咁遠啫🤦🏻‍♀️🤷🏻‍♀️ 總體嚟講唔係貴，只係唔值呢個價錢。留返電話下次會有九折，不過唔知仲有冇下次😅😂 佢哋唔係主打甜品，整得唔好食係其次，但係如果用呢個優惠作招徠，實在有啲過分。如果普通食餐晚飯還好，但對於慶祝特別日子嚟講，更是十分失望🤦🏻‍♀️ 如果一早知道個甜品係咁嘅話，我都唔介意自己帶個蛋糕去慶祝，直程唔使食夠$800等佢送啦😑 事後我有禮貌地問係咪比錯左餐牌上面嗰個冬甩甜品俾我，奈何無論社交媒體網站定WhatsApp都冇人回覆，實在係揀錯餐廳，奉勸大家一心諗住慶祝嘅話千祈唔好去。