Video
Read full review
2024-12-12
0 views
好認同另一篇負評嘅標題 好食但係都係西平日12點幾出去買外賣，買完之後我一直企喺舖頭外面冇行開過，仲要企得好近，都一路有留意住有冇叫我號碼。一直未等到，但係都無啦啦可能聽到有啲後過自己嘅號碼都有。咁我都冇催嘅，因為有時都明白未必一定順號碼，大家叫嘅嘢食唔同，加上食飯時間都好忙嘅。但係阿姐衝出嚟嗌某啲number,聲稱話已經叫咗好多次，我見有啲當事人個樣都好愕然，個個都心9諗咁嘅樣，應該心諗都冇聽過佢叫，亦都有人話冇聽到阿姐叫，咁阿姐都係堅稱全部都嗌過好多次，係你哋聽唔到啫。好啦，呢個時候我直接剷咗入去問阿姐攞啦，相信我嗰個應該都係「叫咗好多次，我聽唔到」。咁阿姐喺佢個好多外賣嘅櫃入面摷俾我啦，見佢都摷到好入先有嘅。咁我都完全冇出聲，因為都費事同佢拗，拗嚟都冇意思。點知遞咗袋外賣俾我之後，阿姐都好大聲好惡咁樣同我講，叫咗好多次㗎喇！我哋全部外賣都叫咗好多次！你係唔係行開咗？我同佢講我一直都企喺門口。雞係好食嘅，只不過其實有冇必要個客都冇同你算帳或者話你，都仲要死撐呢？其實有時有啲嘢唔使講到咁死嘅，我都唔會100%肯定係聽唔到，可能我真係有機會聽漏咗呢。所以話都唔明點解做到咁躁底。忙還忙，
平日12點幾出去買外賣，買完之後我一直企喺舖頭外面冇行開過，仲要企得好近，都一路有留意住有冇叫我號碼。
一直未等到，但係都無啦啦可能聽到有啲後過自己嘅號碼都有。
咁我都冇催嘅，因為有時都明白未必一定順號碼，大家叫嘅嘢食唔同，加上食飯時間都好忙嘅。
但係阿姐衝出嚟嗌某啲number,聲稱話已經叫咗好多次，我見有啲當事人個樣都好愕然，個個都心9諗咁嘅樣，應該心諗都冇聽過佢叫，亦都有人話冇聽到阿姐叫，咁阿姐都係堅稱全部都嗌過好多次，係你哋聽唔到啫。
好啦，呢個時候我直接剷咗入去問阿姐攞啦，相信我嗰個應該都係「叫咗好多次，我聽唔到」。咁阿姐喺佢個好多外賣嘅櫃入面摷俾我啦，見佢都摷到好入先有嘅。咁我都完全冇出聲，因為都費事同佢拗，拗嚟都冇意思。點知遞咗袋外賣俾我之後，阿姐都好大聲好惡咁樣同我講，叫咗好多次㗎喇！我哋全部外賣都叫咗好多次！你係唔係行開咗？我同佢講我一直都企喺門口。
雞係好食嘅，只不過其實有冇必要個客都冇同你算帳或者話你，都仲要死撐呢？
其實有時有啲嘢唔使講到咁死嘅，我都唔會100%肯定係聽唔到，可能我真係有機會聽漏咗呢。所以話都唔明點解做到咁躁底。忙還忙，但都唔使鬧客。唔知點解啲員工做得咁躁底？請唔夠人定係員工福利唔夠好定點？
俾個小小建議，見生意咁好，應該都賺唔少。可以考慮整返個外賣叫號系統，到時個mon show晒出嚟唔使拗，又方便啲客，啲員工又唔使做得咁辛苦。
Post