花之家日本料理 (Closed)

龍蛇混雜o既寶勒巷，一行入去花之家，好似去o左另一個地方咁...睇o左好耐menu，因為友人生病中，唔得食炸o野同燒o野，可惜花之家大部份都係炸物同燒物... 揀o左好耐，終於都叫到...壽司拼盤 (草)，好奇怪，花之家散叫壽司唔多，仲要只有卷物，所以要食拼盤，拼盤魚生十分之生鮮，連青瓜卷都好好味，其中有一件已經唔記得叫咩o既魚生，因為未試過，所以就試下，都幾好食...蟹子沙律，係友人至愛，沙律乾身，食到最尾都唔會有水~ 蟹柳同青瓜都好新鮮，友人話一人一碗都得呀，本宮即話︰「50蚊ga!!」牛舌，好好味，好新鮮，牛味濃，唔un，本宮已經食o左2串，但仍然想食... 不過太貴了，成40蚊...蔥雞... 味道普通啦~ 唔係好突出~ 都ok o既~本宮食牛肉烏冬，烏冬果然好味，仲好食過elements 稻庭烏冬，好滑又唔淋，d牛肉又有牛肉味~友人食鍋燒烏冬，本宮問友人好唔好食~ 友人話好食，不過成100蚊... 有d貴~e餐600蚊... 其實真係有d貴...http://hk.myblog.yahoo.com/ultrabearhk/article?mid=304