王子飯店

Open Now

Now Closed

上司離職請食飯，上司出名唔貴唔食。 請得我哋幾位跟他的下屬，當然帶我們出來見識一下。 秘書姐姐跟他指示預訂了枱及菜式，一枱4位晩餐超過8千，聽到也感覺超貴。 餐廳環境也高雅，坐位也十分舒適。 先來杏汁白肺燉花膠湯，湯底濃醇花膠也大大塊。 金銀蒜蒸龍蝦，龍蝦新鮮但比想像中細隻。 豉椒炒聖子，聖子炒至剛熟，好鮮甜。 清蒸紅瓜子班，肉質好嫩滑。 窩蛋肉崧時菜煲，較普通一道菜。 南乳脆皮雞，收得咁貴，竟然只得半隻雞。 有機野米崧子炒飯及紅豆沙湯圓，整體用料上乘味道好。 不過食物收費有點離地，見識過一次就夠了。