Video
Read full review
2021-03-28
336 views
今日同朋友一齊去大澳探朋友帶埋一個bb黎嗌左個冬蔭功湯 生菜包 蝦餅 加個白飯冬蔭功湯甜甜辣辣 未食聞落去已經好香 唔錯🤤生菜包份量都好足 不過肉碎好似唔太夠 但好好食蝦餅有差唔多六七塊 大大塊 每塊剪左一半 加埋泰式辣醬都好好食白飯都夠兩個大人食 用冬蔭功做湯飯都飽 出餐亦快態度方面就好大問題了坐低到嗌野食都ok 有一個姨姨好好態度 幾中意佢但有個阿姐就一直都用住好呼呼喝喝既態度對住我地我地個bb整跌左野 我地冇時間執個阿姐一埋黎就好大聲 喂 阿仔跌左個melody阿！都算啦最嬲既係我地食左差唔多半個鐘左右就話本來都遲左閂門架啦 差唔多要閂舖 半分鐘後叫我地埋左單先 （我地七八點左右入座）跟住就食食下踢哂腳俾錢佢 夠時間我自己食但冇時間俾我朋友食飽 不過我朋友都背脊骨落架啦 抱住個仔又要俾人催住走然後最有趣既係 一班男人入黎話 事頭婆 7位阿跟住個阿姐就話 黎緊啦 走架啦走架啦我地已經黑哂面人地入黎食就款待 憑咩我地食野要催我地走？聽番大澳朋友講 佢地好似對原居民烚熟狗頭禁 好好禁 但點解我地要受氣呢？可一不可再！
帶埋一個bb黎
嗌左個冬蔭功湯 生菜包 蝦餅 加個白飯
冬蔭功湯甜甜辣辣 未食聞落去已經好香 唔錯🤤
生菜包份量都好足 不過肉碎好似唔太夠 但好好食
蝦餅有差唔多六七塊 大大塊 每塊剪左一半 加埋泰式辣醬都好好食
白飯都夠兩個大人食 用冬蔭功做湯飯都飽 出餐亦快
態度方面就好大問題了
坐低到嗌野食都ok
有一個姨姨好好態度 幾中意佢
但有個阿姐就一直都用住好呼呼喝喝既態度對住我地
我地個bb整跌左野 我地冇時間執
個阿姐一埋黎就好大聲 喂 阿仔跌左個melody阿！
都算啦
最嬲既係我地食左差唔多半個鐘左右
就話本來都遲左閂門架啦 差唔多要閂舖 半分鐘後叫我地埋左單先 （我地七八點左右入座）
跟住就食食下踢哂腳俾錢佢 夠時間我自己食但冇時間俾我朋友食飽 不過我朋友都背脊骨落架啦 抱住個仔又要俾人催住走
然後最有趣既係 一班男人入黎話 事頭婆 7位阿
跟住個阿姐就話 黎緊啦 走架啦走架啦
我地已經黑哂面
人地入黎食就款待 憑咩我地食野要催我地走？
聽番大澳朋友講 佢地好似對原居民烚熟狗頭禁 好好禁 但點解我地要受氣呢？
可一不可再！
Post