樺得園 (Closed)

今日專登嚟W Burger，坐咗喺門口位，冷氣風好大，有啲唔舒服，但職員話唔可以關細，又唔可以換枱。咁遠嚟到，唯有照坐。我哋叫咗個飛驒牛漢堡($88) ，同金文拔芝士牛肉漢堡($128)。見梅酒Soda($38)優惠買一送一，同朋友share。兩種漢堡都係第一次食，兩個都有驚喜。飛驒牛肉汁充足，而且肉質嫩滑，每啖都充滿着牛肉嘅香甜。我哋睇餐牌時冇留心，原來金文拔芝士漢堡係用芝士代替麵包夾住牛肉漢堡，雖然芝士味比較淡，但咁厚咁大啖嘅嘅芝士，係第一次咁食，幾有新意；試過後，還是喜歡傳統麵包皮多啲。好在梅酒梳打酸酸甜甜，幫手消滯。呢餐坐得唔舒服，但食得幾滿足。