天祥飯店

Open Now

Now Closed

今晚同幾個中同聚下舊咁，有人提意黎【天祥飯店】食晚飯，話好抵食又夠鑊氣。又係無介紹錯喎，我哋叫左「肉絲炒麵」、「小棠菜雲吞」、「椒鹽魷魚鬚」。「肉絲炒麵」個麵底真心值得一讚，炸得又香又脆，每一口咬落去都卜卜脆的口感，銀牙菜和韮皇都炒得好爽脆香甜，每條肉絲都切得很均一，睇得出師傅既刀功綱不野少，個芡汁調教得剛剛好，唔會太濕而令到個麵底"林"左，相信大人小朋友都應該會鐘意食的。「小棠菜雲吞」好有驚喜，原來係將小棠菜作餡，用蛋漿包住再放落滾油炸至金黃色，咬進去既有層次感亦很鬆化，但小棠菜仍能保持著爽脆多汁，第一次食很有喜感。「椒鹽魷魚鬚」是我自小時候開始喜歡的菜色，屬童年回憶的一餸菜。新鮮肥美的魷魚鬚啖啖肉，火喉控制得剛剛好，皮脆透薄，咸香適中，送飯送都都好適合。