大盛日本料理 (Closed)

小編呢幾日都非常忙，日日食嘅都係一啲好簡單嘅嘢，但係襯前幾日屋企人同自己都得閒少少，所以就去左新蒲崗嘅呢間日本餐廳食晚餐。其實呢一間餐廳我地屋企都成日會去光顧，因為一直都覺得好抵食。喺新蒲崗附近嘅巴士站落車，行去餐廳，其實時間唔耐，5分鐘一定行到過去，都算方便嘅。到達間餐廳嘅時候其實都唔洗點等位，已經好快就有得入座。小編食過咁多次，其實等位個方面真係唔需要擔心，最遲都係10分鐘就有位，如果好似小編呢啲極度討厭等待嘅人其實都幾好。餐廳入面嘅環境唔會好光，暗暗地，成個感覺唔差，唯獨是有可能會同人搭台。好彩嘅係我地今次有6個人，唔洗同人搭台！嗌嘅都係一啲平時會食到嘅嘢，當中小編覺得豚肉炒野菜係最好食嘅！呢道菜其實有2個選擇，豚肉或牛肉，但其實經過小編食過咁多次嘅經驗，豚肉係好食啲嘅。其實總體來說，呢一間餐廳好食，價錢雖然冇放題咁抵，但食物質素好！值得大家一試。